 |
| COR JESU SACRATISSIMUM miserere nobis |
in festa Sanctissimi Cordis Domini Nostri Jesu Christi
I classis
concessa da Pio XI a chi recita pubblicamente,
nel giorno della festa del S. Cuore
l'atto di riparazione "O Gesù dolcissimo, il cui immenso amore..."
(per il testo e le condizioni per lucrare l'indulgenza, si veda qui) e sotto👇
- Sull'istitutzione della Festa da parte di Pio IX, qui;
- Sulle "Promesse del Sacro Cuore" a S. Margherita Alacoque, sulle indulgenze loro concesse e sui i "9 Primi venerdì del mese", si veda qui
- Sulle "Promesse del Sacro Cuore" a S. Margherita Alacoque, sulle indulgenze loro concesse e sui i "9 Primi venerdì del mese", si veda qui
- Sulla storia della Festa del Sacro Cuore, si veda qui.
Questo l'originale, scritto con ogni verisimiglianza dallo stesso Pio XI, un vero capolavoro di eleganza stilistica e retorica latina.
RispondiEliminaIesu, dulcissime, cuius effusa in homines caritas, tanta oblivione, neglegentia, contemptione, ingratissime rependitur, en nos, ante altaria tua provoluti, tam nefariam hominum socordiam iniuriasque, quibus undique amantissimum Cor tuum afficitur, peculiari honore resarcire contendimus.
Attamen, memores tantae nos quoque indignitatis non expertes aliquando fuisse, indeque vehementissimo dolore commoti, tuam in primis misericordiam nobis imploramus, paratis, voluntaria expiatione compensare flagitia non modo, quæ ipsi patravimus, sed etiam illorum, qui, longe a salutis via aberrantes, vel te pastorem ducemque sectari detrectant, in sua infidelitate obstinati, vel, Baptismatis promissa conculcantes, suavissimum tuae legis iugum excusserunt.
Quae deploranda crimina, cum universa expiare contendimus, tum nobis singula resarcienda proponimus: vitae cultusque immodestiam atque turpitudines, tot corruptelae pedicas innocentium animis instructas, dies festos violatos, exsecranda in Te tuosque Sanctos iactata maledicta atque in tuum Vicarium ordinemque sacerdotalem convicia irrogata, ipsum denique amoris divini Sacramentum vel neglectum vel horrendis sacrilegiis profanatum, publica postremo nationum delicta, quae Ecclesiae a Te institutae iuribus magisterioque reluctantur.
Quae utinam crimina sanguine ipsi nostro eluere possemus! Interea ad violatum divinum honorem resarciendum, quam tu olim Patri in Cruce satisfactionem obtulisti, quamque cotidie in altaribus renovare pergis, hanc eandem nos tibi præstamus, cum Virginis Matris, omnium Sanctorum, piorum quoque fidelium expiationibus coniunctam, ex animo spondentes, cum praeterita nostra aliorumque peccata ac tanti amoris incuriam firma fide, candidis vitae moribus, perfecta legis evangelicae, caritatis potissimum, observantia, quantum in nobis erit, gratia tua favente, nos esse compensaturos, tum iniurias tibi inferendas pro viribus prohibituros, et, quam plurimos potuerimus, ad tui sequelam convocaturos. Excipias, quaesumus, benignissime Iesu, beata Virgine Maria Reparatrice intercedente, voluntarium huius expiationis obsequium, nosque in officio tuique servitio fidissimos ad mortem usque velis, magno illo perseverantiae munere, continere, ut ad illam tandem patriam perveniamus omnes, ubi Tu cum Patre, et Spiritu Sancto vivis et regnas Deus in saecula saeculorum. Amen.